Ana Səhifə» 2010 » May » 28 » 1990-cu ilin mayından başlayaraq hər il mayın 28-də, Respublika gününə həsr olunmuş turnir...
23:41
1990-cu ilin mayından başlayaraq hər il mayın 28-də, Respublika gününə həsr olunmuş turnir...
"28 MAY – RESPUBLIKA GÜNÜ”NƏ HƏSR EDILMIŞ ƏNƏNƏVI TURNIRİN QALİBİ “KƏRGƏLAN” KƏND ORTA MƏKTƏBİNİN KOMANDASI OLDU!!!
*
1990-cı ildən bu günə kimi davam edən, bu il “UNİBANK”ASC-nin yaxından dəstəyi və sponsorluğu, Cənub RFF-nin təşkilatçılığı ilə “Lənkəranda uşaq futbolun inkişaf etdirilməsi” layihəsinə uyğun olaraq məktəblilərin “28 May-Respublika günü”nə həsr edilən Keçici Kubok yarışlarının final oyunu ənənəvi olaraq 28 may tarixində Lənkəran Olimpiya İdman kompleksinin stadionunda geniş tamaşaçı kütləsinin və KİV-nin iştirakı ilə keçirildi. Finala vəsiqə qazanmış kənd yarımqrupundan “Kərgəlan” komandası, şəhər yarımqrupundan isə “4 saylı məktəb”in komandası arasında gərgin idman mübarizəsi şəraitində keçirilən görüş 3:0 hesabı ilə Kərgəlanlıların qələbəsi ilə nəticələndi. Qalib komandalara “UNİBANK” ASC və Cənub RFF tərəfindən diplom və hədiyyələr təqdim olundu. Bundan başqa turnir boyunca müxtəlif nominasiyalarda fərqlənən futbolçulara və məşqçilərə də təşkilatçılar tərəfindən diplomlar və hədiyyələr təqdim olundu. Sonda I yeri qazanmış “Kərgəlan” komandasına “UNİBANK” ASC-nin Lənkəran Filialının rəhbəri Afər Kərimov və Cənub RFF-nin Prezidenti Sakin Məmmədzadə Keçici Kuboku təqdim etdilər. Onu da qeyd etməliyik ki, 20 ilə yaxın müddətdə keçirilən ənənəvi turnirdə ilk dəfədir ki, Keçici Kuboka kənd məktəbinin komandası sahib olur.