Bir neçə il əvvəl "Futbol+” qəzetinin səhifələrində xoşa gəlməz halla rastlaşmışdıq. Diqqətli oxucuların yəqin yadındadır ki, adı çəkilən qəzetin səhifələrində yer alan  12-dən sonra yazısı Lənkəranda hiddətlə qarşılanmışdı. Həmin yazıda Lənkəran və ümumiyyətlə cənubda çoxluq təşkil edən etnik qrupa aid bəzi anormallar tərəfindən qoşulan və iyrənc ayrıseçkilik prinsiplərinə köklənən bir səfeh lətifə əsasında məqalə yazılmışdı.Üstəlik həmin iyrənc yazıda müəllif 12-dən sonra güya Lənkəranlıların başının işləməməsi fikrini  qabartmışdı. Məhz həmin vaxt biz "12-ci oyunçu” ilk olaraq bu biabırçı yazıya etiraz etmişdik və bəyanatla çıxış etmişdik.  

O hadisədən sonra vaxtı ilə "Neftçi” klubunun fan klubuna rəhbərlik etmiş Azər Rəhimovun Talışlar haqqında dediklərinə qarşı yenə biz etiraz səsimizi qaldırmışdıq. Bütün etirazlarımızda biz, Azərbaycanı bölgələrə bölmək prinsipinə qarşı çıxmış və milli, dini və etnik ayrıseçkiliyə yönəlmiş addımları pisləmişdik. Gördüyümüz qədəri "Futbol+” qəzeti daim milli və etnik ayrıseçkiliyə meyilli yazılar dərc edərək cənub bölgəsinin insanlarını qıcıqlandırır. Biz  "12-ci oyunçu” olaraq isə öz ənənvi devizimizlə həmişə diqqət çəkimişik:

Öncə vətəni, sonra səni sevdik Xəzər Lənkəran !

"Futbol+” qəzetinin səhifələrində  milli və etnik ayrıseçkilik zəmində yazılara bundan sonra da yer verilməsi davam edilərsə biz də müvafiq orqanlara müraciət etmək məcburiyyətində qalacağıq.