Ana Səhifə» 2010 » Aprel » 9 » "Bakı" - “Xəzər Lənkəran”
20:18
"Bakı" - “Xəzər Lənkəran”
"Bakı" ilə oyunlarımız daha çox gərginliyi ilə yadda qalıb. Belə gərginliklərin əsas səbəbkarı da çox zaman rəqib komandanın Afrikalı qapıçısı Xalidu Sissoko olub. İlk belə insident Lənkəranda azarkeşlərə ədəbsiz jestlər etdiyində olmuşdu. Lakin o zaman futbol qurumalrı onu deyil, Lənkəranlı azarkeşləri cəzalandıraraq, komandamızın bir ev oynunu azarkeşsiz keçirməsinə qərar vermişdi. Bu hadisə başqa bir formada yenə Lənkərandakı oyunda iki il sonra təkrarlandı və Sissoko bu dəfə polis işçisini təhqir edərək onun üzərinə tüpürdü. Lakin nəsə “Bakı” klubunun “əlləri uzun olub” harasa çatırsa, həmin yerdə olanlar ya ədalətdən bixəbərdirlər, ya da özlərindən bixəbər... Ümumiyyətlə Lənkəranlı futbol azarkeşlərindən “Bakı” haqda soruşanda deyirlər ki, ”yerdə uzanan”ların komandasıdır. Maraqlıdır ki, bir neçə ayrı- ayrı məşqçinin rəhbərliyində də bu komanda eyni imici qazana bilmişdir. Lənkəranda keçirilən demək olar ki, bütün oyunlarda “Bakı”nın futbolçuları daha çox yerdə uzanmağı çox sevdiklərini göstərmişlər nəinki futbol oynamağı. Beləki hər xırda qayda pozuntusunda yerdən qalxmağa çətinlik çəkən Bakılılar bir dəfə Lənkəranda rekorda da imza atmışlar. 18-dəqiqə yerdə uzanma fəndindən yararlanaraq, paytaxt klubu həmin oyunun heç-heçə bitməsinə hakimin köməkliyi ilə nail olmuşdu. O vaxtlar baş məşqçi işləyən Hacıyevski həmin oyundan sonra verdiyi açıqlamasında futboçularına yerdə uzanaraq vaxt keçirmələrini oyundan öncə tövsiyə etdiyini etiraf etmişdi. “Xəzər Lənkəran” ölkə çempionatları çərçivəsində keçirilən oyunlarda 5 ildir ki, “Bakı”ya məğlub olmur. Bazar günü komandamızın Premyer Liqanın XXVII turunda üz-üzə gələcəyi “Bakı”yla çempionat oyunlarında sonuncu dəfə 2005-ci ildə məğlubiyyət acısı dadıb. O vaxtan bəri keçən 1692 gün içində keçirilən 9 oyunda isə “ağ-yaşıllar” 3 qələbəyə sevinib, 6 oyun isə heç-heçə nəticələnib. Maraqlıdı ki, rəqiblər arasında keçirilən şəxsi oyunlarda heç-heçələr üstünlük təşkil etsə də, aprelin 11-dəki oyunda nə komandamızı, nə də “Bakı”nı bərabərlik qane etmir. Bu oyunda da “Xəzər Lənkəran”ımıza qələbə arzulayırıq. Premyer liqanın təsnifat mərhələsində, T.Bayramov sationunda “Bakı” üzərində qazandığımız 3:0-lıq qələbənin təkrar olmasını istəyirik. Uğurlar sənə “Xəzər Lənkəran” !
