Ana Səhifə» 2010 » Oktyabr » 24 » Hər şey yaxşı ola bilərdi, pisliklər də unudula bilərdi bu həftə...
00:59
Hər şey yaxşı ola bilərdi, pisliklər də unudula bilərdi bu həftə...
Həftədən həftəyə…
Hər şey yaxşı ola bilərdi, pisliklər də unudula bilərdi bu
həftə...
Komandamız "Fırtınalar Meydanı”nda qalib gəldi. Çoxlu qol
vəziyyəti yarandı, hər belə qol vəziyyətində "vur” deyə sıçradıq yerimizdən.
Stadiona toplaşan azarkeşlərin sayı az olduğundan
təəsüfləndik, meydançanın ot örtüyünün vəziyyətindən isə sevindik bir az...
Lənkərançayın
üzərindəki körpü az laxlandı bu dəfə, körpüdən o yana yığışan taksilər isə narazı getdilər, müştəri
azlığından…
Üzərik satan qadının
peroşkisi yarıbayarı qalmışdı. O da satılmayan peroşkiləri pulsuz payladı,
oyundan sonra, adını da belə qoydu: qələbə münasibəti ilə... ağ cipdən düşən
paytaxtda yaşayan Lənkəranlı azarkeş 20-manat bağışladı qadına, özü də elə
qələbə münasibəti ilə …
"Neftçi”nin "Flaqman” fan klubunun üzvləri qonaqları
döydülər, söydülər sonra da polislər "Gəncə”liləri "qardaşyana” prinsipini əldə
bayraq tutaraq yüngülcə dəyənəyə qonaq etdilər, deyəsən - deməsən də olar.
Həmin oyunun meydançada gedən mübarizəsində isə qırmızı vərəqə verildi.
"Neftçi”nin futbolçusuna verilmədisə deməli bura hələ də Azərbaycandır…
Hər şey yaxşı ola bilərdi.
Bu oyundan sonra yenə
bayraq yandırılması yada salındı, amma bu dəfə başından böyük danışan "kiçiklər” tərəfindən. Yenə bu oyundan sonra
geyinib-soyunma otağına gedənlər oldu...
Kamran əfv olundu. Deyirlər insan ömründə bir dəfə əfv oluna
bilər. İkinci dəfə isə bağışlana bilər ancaq. Bunun üçün ikinci dəfə səhv etmək
vacib deyil…
Son
turun oyunlarında hakimlərin çoxu kişi kimi oyun apardı deyə, "etiraz” bəylə "şikayət”
kişi arxa plana keçdilər. "Qərəz” xanım isə kşilik olan yerdən uzaqda qalmağı
məsləhət bildi.
Şefer
Almansayağı "frayer”lik edərək istefa tələb edənlərin söhbətini fırladıb hakimi
tərifləməklə canını qurtardı.
"Bakı”ıdan
"xalturşik”lə qayıdaq Lənkərana, görərik ki, Yuri Ponfilov gedib. Axı aşağı yaş
qruplarının məşqçiləri dəyişiləndə bəzi valideynlər sevinirlər. Bu yazı o qədər
qısa yaızıdr ki, "bəzi”lərinə yer yoxdur burada.
"Xəzər Lənkəràn”ın azarkeşləri klub rəhbərliyi
ilə birlikdə komandanın məşqlərini izləyirlər deyə, paytaxtda yenə də "bəzi”ləri (bu bəziləri yadlardır)
yaman narahat olurlar. Bir çoxları isə
Lənkəranı təmsil edən klub haqda tənqid eşitməyəndə darıxırlar. İstərdik onlar
elə "ilimiz oniki ay” darıxsınlar.
Rednik
Rumınyaya gedəcək, amma millinin baş məşqçisi qismində deyil. Sadəcə evinə
dəyməyə gedəcək və qayıdacaq, vəssalam.
Rumınya
mətbuatı da HK-nin sədri Xaqani Məmmədov
kimi "Kurkasa”da bitən otun çayını içənlər kimidirlər ; "Haram yeməyiblər,
halal da dillərinə dəyməyib... ”
"12-ci
oyunçu” nun 3-ədəd fişəngi oğurlanıb. Oğruları uzaqdan görən də olub. Nə
görənin nə də görünənin adını hələlik yazmırıq...amma hələlik. Pislikləri unutmaq nəsə çətindir.
Bu
saytın da deyəsən axırı çatıb. Saytın saxlanmasına xərcləməyə pul tapmayan müəllif ( yazı
müəllifi) işlədiyi yerdən pulları
qapazlayıb xərcləyib buraya. İndi də əmanət yiyəsi qaytarmaq üçün bir həftə
vaxt verib ona. Admindən xahiş edərik günləri saysın.