Fevralın 16-da "Xəzər Lənkəran”  komandasını gətirən avtobus  saat  14:30-da "Fırtınalar Meydanı”na daxil oldu. Bir saatdan bir az çox çəkən istirahətdən sonra komanda yardımçı meydançada məşqə başladı. Zədəli Ruslan poladovdan başqa bütün futbolçuların qatıldığı məşq gözlənildiyindən daha çox çəkdi. Adətən Bakıdan qayıdan futbolçular  yol yorğunluğu səbəbindən bir saat ərzində məşqçilərin tapşırıqlarını yerinə yetirirdilərsə, bu dəfə iki saata yaxın məşq etdilər. Bunu da "Neftçi” ilə oyundan sonra futbolçuların iki günlük istirahəti ilə əlaqələndirmək olar.

Qapıçılar Kamran Ağayev və Yevgen Kopili isə məşqçi Hafiz Əliyevin rəhbərliyi ilə komandadan ayrıca məşq edirdilər. Komandanın iki tərəfli oyunlar zamanı isə qapıçılar da digər futbolçulara qoşulurdular.

Havanın soyuq  olmasına və hərdən bir qar yağmasına baxmayaraq məşqi çoxlu sayda azarkeş izlədi.