"Xəzər Lənkəran”ın məşqində.

 T.Bəhrəmov stadionundan canlı...

"Qarabağ”la oyun öncəsi  "Xəzər Lənkəran” bu gün T.Bəhrəmov stadionunda saat 15:30-da son məşqinə çıxdı. Ilk olaraq futbolçular məşqə bir toxunuşlu ötürmələrlə başladılar. Daha sonra müxtəlif taktiki sxemlər üzrə məşqi davam etdirən Mirça Rednik futbolçuları daha çevik olmağa səsləyir.

Qapıçılarla çalışan məşqçi Hafiz Əliyev isə Kamran Ağayev və Orxan Sadıxlıya son tapşırıqlarını verərək penalti zərbələrinin üzərində işləyir.

Gürcü futbolçu Devid İmedaşvili fərdi məşq edir.

"Xəzər tv” nin əməkdaşları çəkilş aparırlar.

"Futbol saatı” verilişinin heyyəti  stadiondadır. Babək Quliyev, Urfan Məmmədli, Kamal Quliyev və verilişinin aparıcısı Emin Abbasov oradadırlar. Emin  əlində sanki hədiyyə tutub. Onlar meydançaya daxil olub futbolçularımıza yaxınlaşırlar. "Futbol saatı” verilişinin adından futbolçularımıza şirniyyat təqdim olunur.

Məşq davam edir...

*************

"Futbol saatı”nın   təqdim etdiyi şirniyyat futbolçulara məşqdən sonra oteldə paylanacaq.

"Xəzər Lənkəran” komandasının futbolçuları iki qrupa  bölünüb qarşılıqlı oyunla məşq davam edir.

Komandanın rəisi Səməd Mustafayev həmişə olduğu kimi komandanın yanındadır. Futbolçuların məşq zamanı intizamlı davranışı diqqət çəkir. Komanda daxili ab hava yüksəkdir.

T.Bəhrəmov stadionunun tablosunda hər iki komadanın loqoları görünür.

16:37-də məşq bitdi.

QEYD: "Xəzər Lənkəran"ın məşqi haqda  məlumatları saytmıza opertaiv şəkildə ötürdüyünə görə Fariz İsayevə təşəkkür ediririk.