Ana Səhifə» 2010 » May » 7 » 350-manat dəyəri olan qələmin,cəmi 40-gün ömrü var imiş.
19:44
350-manat dəyəri olan qələmin,cəmi 40-gün ömrü var imiş.
Əfqan Həmzəyevin qələmi itirildiyi gündən düz 40-gün sonra sındı.
2010-cu il mart ayının 27-də Lənkəranda baş tutan “Xəzər Lənkəran” – “Neftçi” oyunundan dərhal sonra, necə deyərlər başını götürüb Lənkərandan qaçan Əfqan Həmzəyevin itirdiyi qələmin matçdan 3-gün sonra hərracda 350-manata satılması haqda məlumat vermişdik.Məlumatda həmin qələmin “Xəzər Lənkəran” azarkeşlərindən birinin alması xəbərini yayandan sonra mütəmadi olaraq qələmin harada və hansı şəraitdə saxlanması ilə maraqlanırdıq.Mayın 7-da beləcə yeni bir məlumat aldıq.Sən demə bu qələmdə nəsə qəribəlik var imiş.Beləki,mayın 6-də axşam saatlarında qələmin hazırkı sahibi qələmlə yaxşı bir iş görmək istəsə də sonda pərt olub.Onun qonşusunda qızdırmadan bir neçə gün ərzində əziyyət çəkən bir uşağın valideynləri, həkimlərin köməyə çatmadığını görüb mollaya müraciət ediblər.Lənkəran hərbi hospitalın ərazisinə yaxınlıqda yaşayan və “qorxuluğu götürmək” və ya “ölü tutmasına qarşı” və s. dualar yazmaqla pul qazanan bir molla xəstə uşağın valideynlərinin harayına təcili yetişdiyindən hazırlıqsız gəlib.”Qələm vurmaq” üçün mollaya sadəcə bir parça kağız və bir qələm lazım olub.Yaxın qonşulqarın evində qələm tapılmadığını görən 350-manatlıq qələmin sahibi,şəxsi kolleksiyasında əzizləyərək saxladığı qələmi evdən gətirib qonşu uşağın bəladan qurtulmasına yardımçı olmaq istəyib.Lakin molla bu qələmdən istifadə etmək istəyərkən elə mollanın əlindəcə qələm sınıb.Hamının gözü qarşısında baş verən hadisəni molla belə izah edib:- “Bu qələmlə şeytani işlər görülüb”.Daha sonra qələmin yiyəsi, hadisəni olduğu kimi ona danışıb,öz növbəsində molla da xeyli vaxt düşünərək,qələmi tutduğu əlini yaxşıca yuyub və digər qələm əldə etmək üçün o biri qonşulara gedilməsini istəyib.Qələm yiyəsi isə suallarımıza cavab verməkdən çəkinərək bircə bunu dedi:- “Qələm,qalmaqallı “Xəzər Lənkəran” – “Neftçi” oyununun protokolu yazılan və itirildiyi gündən düz 39-gün sonra,40-cı günün tamamında sındı.Bu qələmlə yaxşı bir iş görmək istədik,amma elə əldə sındı.Mən də o iki hissəyə bölünən qələmi murdar bir yerə atdım...”
Biz də öz növbəmizdə bu qeyri adi və çox maraqlı hadisənin haqqında xəbər yaymğı özümüzə borc bildik.350-manat dəyəri olan qələmin əhvalatı beləcə bitdi və məlum oldu ki, bu qələmin ömrü, başı bəlalı oyunun protokolunu yazandan sonra cəmi 40-gün imiş...
