"Xəzər Lənkəran”ın fevralın 16-da keçirilən məqşi zamanı satdionun həyətinə daxil olan qara qulaqlı ağ rəngli köpək haqqında xəbər vermişdik. İtin meydançaya daxil olmasından sonra mühafizəçilər işə qarışmış və dördayaqlı ağ-qaranı meydançadan çıxarmışdılar. Bundan sonra soyuq qış günündə aclıq hiss edən it,  "Xəzər Lənkəran”ın zibilxanasına üz tutdu.

"Xəzər Lənkəran”ın bazasının arxa hissəsində yerləşən zibil qablarına yaxınlaşan "qara qulaq ağ bim”, oradakı zibillər içində özünə yem axtarmağa başladı. Yediyini yeyib yemədiyini də zibilqabının kənarına tullayaraq stadionu həyətini tərk etdi və şimal istiqamətində yoxa çıxdı...

QEYD: Bu yazı da bundan əvvəlki  "Qara qulaq ağ bim” sərlövhəli  bütün  yazılar kimi fotolarda öz təsdiqini tapır.  İnanmaq istərdik  ki, bu dəfə də "Futbol+” qəzeti  bizi,  "Beşiktaş” və ya "Real” Madrid klublarını təhqir etməkdə suçlamayacaq ?!