"Xəzər Lənkəran” – AZAL oyununda meydana çıxmayan və ehtiyat oyunçular arasında olmayan Uinston Parks, Elvin Beqiri və Adrian Florin Pits barədə məlumat əldə etməyə çalışdıq. Oyuna bir gün qalmış keçirilən məşqə də qatılmayan Adrian Pitsin sağlamlığında xırda problem olduğu məlum oldu. Amma onun növbəti oyunda iştirak edəcəyi , hətta bazar ertəsi keçiriləcək məşqə qədər sıraya qayıdacağı bildirildi. Parks və Beqirinin isə sadəcə AZAL-la oyun üçün qurulmuş taktiki sxemlə əlaqədar oyunda iştirak etməməsi və adlarının ehtiyat oyunçuların siyahısına salınmaması  məlum oldu.