Qara qulaq ağ bim -2

Fevralın 10-da "Xəzər Lənkəran”ın məşqi zamanı stadionun həyətinə qulaqları qara rəngdə olan  ağ itin daxil olduğunu , sonradan isə məşq keçirilən meydançaya  hücum çəkdiyi  barədə yazını saytımızda təqdim etmişdik. Həmin yazı ilə birgə saytımızda yazını təsdiq edən fotoları da təqdim etmişdik. Görünür bu bir çoxlarını  narahat edibmiş. Beləki,  "Futbol +”  qəzeti  saytımızdakı fotoları görməyibmiş kimi "Qara qulaq ağ bim” sərlöhvəli yazının bir başa "Neftçi”yə aidiyyatı olduğu düşüncəsində olub. Hər halda adı çəkilən qəzetin 15-fevral tarixli sayında gedən yazının məntiqi ilə belə çıxır ki, biz öz saytımızda ağ-qara rəngli köpək barəsində yazı təqdim ediriksə deməli "Neftçi” klubuna sataşmış oluruq. Bu "Futbol+” qəzetinin "Neftçi” klubuna qarşı münasibəti də ola bilər. Amma bu onların öz işidir...

Fevralın 16-da "Xəzər Lənkəran”ın məşqi zamanı yenidən qara qulaqlı ağ rəngli köpək stadionun həyətinə daxil oldu və dərhal  meydançaya qaçdı. Bəzən futbolçulara da hücum edən it arabir sakitləşirdi. Amma mühafizəçilərin yardımı ilə köpək meydançadan uzaqlaşdırıldı.