"Neftçi”ni  sevməyənlərə  "vətən xaini”  damğası vuruldu ?

Biz deyəndə ki, Azərbaycan futbolunun inkişafına mane olanlar elə "Neftçi” veteranlarıdırlar,  bir çoxları bizi qınayırdı. Baxın "Neftçi” veteranları yenidən xalqın adından danışmağa cəhd edirlər.

"Neftçi” veteranları klubunun rəhbəri Oqtay Abdullayev  dediklərinə diqqət yetirin:

  "Biz "Neftçi" futbol klubunun veteranları doğma komandamıza qarşı yönələn əsassız ittihamları pisləyirik. Son vaxtlar bəzi KİV-də "Neftçi" haqqında boş-boş, cəfəngiyyat dolu fikirlər səsləndirilir. Bunu söyləyənlər "Neftçi"ni və xalqını istəməyənlərdi. Çünki "Neftçi" xalqın komandasıdı və doğma Azərbaycanımızın ən köklü, adlı-sanlı klubudu".

"Neftçi”ni  sevməməklə xalqı sevməməyi eyni tutan veteran özü xalqı sevməyin nə olduğunu bilmədiyini göstərmiş olur.

Azərbaycanın milli komandasını sevməyənlərin xalqı sevməməsi fikrini  isə biz iddia edirik. İki müxtəlif fikri müqayisə edin və nəticə çıxarın. Cəfəngiyyat dolu boş fikirlər kim tərəfdən gəlir .

Hörməti "Neftçi” veteranları klubu, utopik fikirlərinizdən əl çəkin və heç olmasa indi, gec də olsa dünyaya açıq gözlə baxın;  Sizin nağıllarınıza inananların sayı cəmi iki fan klubun üzvü qədərdir...

P.S. Görəsən Türk xalqını sevməyənlər,  Türkiyənin hansı klubunu sevməyənlərdir ?

***********************

QEYD:Şərh bölümünə bir neçə "Neftçi" fanatı müxtəlif  adlarla lakin eyni ip ünvandan etik normadan kənar sözlər  yazdığından bu bölməni yenidən  müvəqqəti olaraq bağlamalı oluruq.