Mayın 6-da “Xəzər Lənkəran”ın məşqçi və futbolçuları, Lənkəran türk liseyininin şagirdləri ilə görüşdülər.İki gün öncə Liseyin müdiri Murad Kadifeçinin dəvətini qəbul edən “Xəzər Lənkəran”,görüşü məhz ölkə kubokunun finalına vəsiqə qazanandan sonra bu gün kerçəkləşdirdi.Görüşdə məşqçi heyyətindən,Ağasəlim Mircavadov,Tofiq Mustafayev,Tərlan Əhmədovla yanaşı,futbolçulardan,Kamran Ağayev,Devran Ayhan,Rahid Əmirquliyev,Martins Kabral,Mario Souza,Dmitriy Kramarenko və Ramazan Abbasov da iştirak etdilər.Liseyin müdiri əvvəlcə qonaqları çay süfrəsinə dəvət etdi.Sonra isə qonaqlar Murad bəylə birgə liseyin akt zalına yollandılar.Orada artıq qonaqları gözləyən şagirdlər “Xəzər Lənkəran” komandasının nümayəndələrini alqışlarla qarşıladı.Şagirdlərin çox yaxşı tanıdıqları simaları bir daha liseyin müdiri Murad Kadifeçi onlara təqdim etdi.Hələ 2004-cü ildə liseyin nəzdində “Xəzər Lənkəran”ın fan klubun yaranmasından danışan Murad bəy,daha sonra tədris müəsisənin pedaqoji kollektivinin ümumi rəyinə əsasən təyin olunan,Azərbaycan futbolunda ilin ən yaxşıları nominasiyaları üzrə mükafatçılara xüsusi diplomları təqdim etdi.Ağasəlim Mircavadov 2009/10-cu futbol ilinin ən yaxşı məşqçisi,Kamran Ağayev ilin ən yaxşı qapıçısı,Allan lalin ilin ən yaxşı futbolçusu adına layiq görülərək mükafatlarını aldılar.İlin ən yaxşı klubu kimi “Xəzər Lənkəran” klubu seçildiyindən, mükafat klubun icraçı direktoru Höccət Hacıyevə təqdim olundu.Ağasəlim Mircavadov da “Xəzər Lənkəran” atributlarını və üzərində 12-yazılmış və komandanın bütün futbolçularının imzası olan futbolçu köynəyini onlara hədiyyə etdi.Bundan sonra şagirdlər, məşqçi və futbolçuları sual atəşinə tutdulr.Ağasəlim Mircavadova ünvanlanan sual,elə cavab da maraqlı alındı:- “Denis Kalinkov niyə, çempionat matçlarında əvəzetmə ilə oyuna daxil olduğu halda,kubok matçlarında bütün oyunu meydanda olur”- sualına baş məşqçi –“Bu mənim bir sirrimdir”- deyə cavablandırdı.Klubun icraçı direktoruna komandanın avropa kubokları turnirində hansı stadionda ev oyununu oynayacağı sualına verilən cavab da şagirdlərin marağına səbəb oldu:- ““Xəzər Lənkəran” avropa kubokları turnirinin bütün ev oyunlarını “Fırtınalar Meydanı”nda keçirəcək,Hətta “İnter” də bu turnirdə iştirak edəcəyi təqdirdə Lənkəranda oynamaq arzusundadır”.