Dəyişən insanlar, dəyişən cəmiyyətdə daha rahat hiss edirlər özlərini.Əqidəsini dəyişənlər daha çox qazanır belə vəziyyətdə.Şivən qoparanlar üçün isə münasibdir belə həyat.

                                                                                                                    Teodor Drayzer.

Hər gün rastlaşdığımız yeniliklər bizdə yeni fikirlər oyadır.Həyatın bütün sahələrində belədir,elə futbolda da ...

Premyer liqanın püşkü atılanda hamılıqla "Xəzər Lənkəran” – "Neftçi” oyununu gözləyirdik.Düzdür püşkün nəticəsi özü də son altı ildə olduğu kimi bu il də şübhəli alındı.Axı hər dəfə bu cütlüyün ilk oyunu Lənkəranda keçirilir.Amma bunun üstündə çox qalmayaq.Sentyabrın 25-də oyun baş tutdu və sonda sevinən Lənkəranlılar oldu.Sonra da başladı nə başladı...

Oyun qaldı bir tərəfə tribunadakı olaylar müazkirə olundu.Jurnalistlərin bəziləri yerini yaxşı etmək üçün başaldılar üzü bozluğa,halallığı alınmamış pullarla iş görən klub rəsmiləri iş verməyə cəh etdilər,veteranlar isə şivən qopardılar. ”Neftçi”nin fanatları da geri qalmadılar,amma bu etiraz dalğasında ən çox başa düşülən onlar olmalıdır.Çünki sevimli komandalarının son dəqiqələrdə buraxılan qol hesabına məğlubiyyətinin şokunu bir başa stadionda qol vurulan qapının arxasında yaşadılar. Sonra da qarşıdurma yaratmaq üçün oturacaqları sındırıb yerli azarkeşlərə ataraq vəziyyəti dəyişmək istəyən,beləcə konkret iş görmək istəyənlər də onlar oldu.Bu yolla oyunun dayandırılmasına nail ola bilərdilər.Axı oyundan əvvəl stadionun diktoru elan etmişdi ki,qarşıdurma yaranarsa oyun dayandırılacaq.Bu halda isə sonda yerli komandaya texniki məğlubiyyət veriləcəkdi.Alınmadı...

"Neftçi” xəstəliyindən azad ola bilməyən bəzi jurnalistlər və veteranlar meydanda gedən mübarizəni unutdurmaq üçün bayraq yandırılmasını şişirtilər.Amma nə edəsən ki,bunun da xeyri olmadı...

Hə bir də "Futbol+” qəzetinin iddiasına görə "Xəzər Lənkəran”ın futbolçusu Dieqo Ruiz sırf təsadüf nəticəsində qol vurub.Bir az da irəli gedib bu qəzet öz manşetində bayraq yandıran naməlum şəxsə cinayətkar adı verdi . Görün biz nə gündəyik ki,xəyallarla yaşayanlar, soz sahibidir futbolumuzda.

Belə gedərsə "binqo+” lotoreyasının "Futbol+” qəzeti ilə heç bir fərqi qalmayacaq.Birisi tam o birisi isə hələlik yarıbayrı şeytana qulluq edirlər...