Fevralın 17-də "Xəzər Lənkəran”  komandası  stadionun yardımçı meydançasında saat 15:30-da axşam məşqinə çıxdı. Ruslan Poladovdan başqa bütün futbolçuların qatıldığı məşq iki saatdan da çox davam etdi. Məşqin son bir saatı o qədər maraqlı oldu ki, məşqi izləyən azarkeşlər də heyranlıq içində idilər. Beləki, Mirça Rednik bir tərəfdə,  Mihay Teja isə digər tərəfdə futbolçulara  taktiki  məşqlər keçdiyi halda, Marius Qoqalniçanu bəzi futbolçuların fiziki hazırlıqları ilə məşğul olurdu. Bu zaman maraqlı görüntü yaranırdı. Mirça Rednikin məşğul olduğu futbolçular yerlərini  Mihay Tejanın sərəncamındakılarla dəyişir daha sonra isə Marius Qoqalniçanun hazırlıqlarına başlayırdılar. Bu elə sinxrom şəkildə edilirdi ki, futbolçular fiziki yüklənməni hiss etmədikcə eyni zamanda bir neçə dəfə dövr edəndən sonra artıq Rednikin tapşırıqlarını tam dəqiqliklə yerinə yetiridilər. Bütün bu mənzərə isə kənardan maraqlı  məşq görüntüsü yaradırdı. Qeyd etdiyimiz qeyri adilik elə aşağı yaş qruplarına rəhbərlik edən Fabian Veldviykin də diqqətindən yayınmadı. Əvəzedici komandanın baş məşqçisi Samir Ələkbərovla birgə gənclərin Olimpiya  mərkəzində keçirilən məşqindən qayıdan Holland mütəxəssis azarkeşlərlə birgə yuxarıda qeyd etdiyimiz qeyri adi məşqi diqqətlə izlədi və hətta yanındakılara gördüklərini bəyəndiyini  işarə edirdi.