Premyer liqada  IV turun oyunları keçiriləcək. "Xəzər Lənkəran” avqustun 29-da AZAL-ın qonağı olacaq. Bu meydan sahiblərinin yeni adı altında komandamızla ilk oyunudur. Əvvəl "Olimpik” və "Olimpik-Şüvəlan” adları ilə Premyer Liqada çıxış edən "təyyarəçilər”lə çempionatda 10 dəfə üz-üzə gələn komandamız aşkar üstünlüyə malikdir.

Paytaxt təmsilçisini 4 il qələbəyə həsrət qoyan komandamız yalnız ötən il ilk dəfə bakılılara məğlub oldu. Bu yeganə uğursuzluğun qarşılığında "Xəzər Lənkəran” 6 dəfə meydandan 3 xalla ayrılıb. Komandamız Bakıya 7-ci qələbə dalınca yollanıb.

Komandaların oyunları ilə bağlı maraqlı bir ənənə müşahidə olunur. Nə qədər maraqlı olsa da artıq 6-cı mövsümdür ki, birinci dövrədəki oyun Bakıda keçirilir. İkinci dövrədə isə AZAL komandamızın qonağı olur. Paytaxtdakı qarşılaşmalarla bağlı o da maraqlıdır ki, son 4 görüş komandalardan heç biri birdən artıq top fərqilə qalib gəlmir: ya heç-heçə olur, ya da minimal fərqli qələbə qeydə alınır.

Bu dəfəki kimi avqust ayına təsadüf edən yeganə qarşılaşma isə 5 il əvvəl baş tutub. Həmin – komandalar arasındakı ilk görüşdə futbolçularımız iki cavabsız qolla meydan sahiblərini məğlub ediblər.

AZAL-la çempionatdakı bütün oyunlar

mövsüm tarix Oyun hesab

2005/06 12.08.2005 "Olimpik” – "Xəzər Lənkəran” 0:2

12.02.2006 "Xəzər Lənkəran” - "Olimpik” 1:0

2006/07 17.09.2006 "Olimpik” – "Xəzər Lənkəran” 1:2

27.04.2007 "Xəzər Lənkəran” - "Olimpik” 3:2

2007/08 25.11.2007 "Olimpik” – "Xəzər Lənkəran” 0:0

17.05.2008 "Xəzər Lənkəran” - "Olimpik” 0:0

2008/09 20.09.2008 "Olimpik” – "Xəzər Lənkəran” 0:1

14.03.2009 "Xəzər Lənkəran” - "Olimpik” 0:0

2009/10 21.10.2009 "Olimpik-Şüvəlan” – "Xəzər Lənkəran” 1:0

10.12.2009 "Xəzər Lənkəran” - "Olimpik-Şüvəlan” 2:1

AZAL-la oyunların balansı

O Q H M TOP

Evdə 5 3 2 0 6-3

Səfərdə 5 3 1 1 5-2

Cəmi 10 6 3 1 11-5