Ana Səhifə» 2009»Noyabr»26 » “Bakı”nın 1530 günlük həsrəti bitəcəkmi?
17:22
“Bakı”nın 1530 günlük həsrəti bitəcəkmi?
Unibank Premyer Liqasının XII turunda “Bakı” və “Xəzər-Lənkəran” arasında keçiriləcək qarşılaşma xüsusi prinsipiallıq kəsb edir. “Xezer-Lenkeran” - “Bakı” komandası ile 15 defe görüş keçirib oların 4-nü qelebe ile, 7-sı heç-heçe ve 4-n meğlub başa vurmuşdu. Artıq 5 ildir davam edən prinsipial rəqabətin əsası 2004-cü il avqustun 22-də qoyulan bu qarşıdurmalar hələ ki, 11 çempionat və 4 kubok görüşündən ibarətdir. Ümumi balansda tərəflər hərəyə 4 qələbə qazanmaqdan başqa, 7 dəfə bərabərliklə kifayətlənib. Top fərqi isə cənubluların xeyrinədir – 14:11. Çempionat matçlarına gəlincə, üstünlük lənkəranlıların tərəfindədir: 3 qələbə, 6 heç-heçə və 2 məğlubiyyət. Daha çox qol sevinci yaşayan lənkəranlılar topların sayında öndədir - 10:7. Fərqin o qədər də böyük olmamasına baxmayaraq, bakılılar 4 ildən çoxdur rəqibini məğlub edə bilmir. Kubokdakı nəticələri nəzərə almasaq, “Bakı” axırıncı dəfə 2005-ci il avqustun 22-də qalib gəlib. Həmin vaxt Cəlilabadda keçirilən oyunda qonaqlar Emin İmaməliyevin vurduğu qol sayəsində səfərdən 3 xalla qayıtmışdı. Ümumilikdə, 4 qələbəsindən 3-ü səfərdə əldə edən paytaxt futbolçuları son 1530 gündə baş tutan 8 çempionat matçında “Xəzər-Lənkəran”ı uda bilməyib. Bu görüşlərin 6-da heç-heçə qeydə alınıb. Xüsusilə, Bakıda baş tutan qarşılaşmalar “sülh”lə nəticələnir. 2004-cü ildəki oyun istisna olmaqla, rəqiblər paytaxtdakı duelləri 1 xalla başa vurur. Aşağıda “Xəzər-Lənkəran” - “Bakı” arasında keçirilən bütün görüşlərin nəticələri: 2004/05 mövsümü “Xəzər-Lənkəran” - “Bakı” -2:0 “Bakı” – “Xəzər-Lənkəran” -2:0 2005/06 mövsümü "Xəzər-Lənkəran" - "Bakı" -0:1 “Bakı” – “Xəzər-Lənkəran” -1:1 2006/07 mövsümü «Xəzər-Lənkəran» - «Bakı» 1:0 «Bakı» - «Xəzər-Lənkəran»-0:0 Azərbaycan kuboku, 4/1 final mərhələsi “Xəzər-Lənkəran” - “Bakı” -0:1 “Bakı” – “Xəzər-Lənkəran” -0:2 2007/08 mövsümü “Xəzər-Lənkəran” - “Bakı” -0:0 “Bakı” – “Xəzər-Lənkəran” -2:2 2008/09 mövsümü “Xəzər-Lənkəran” - “Bakı” -3:0 “Bakı” – “Xəzər-Lənkəran” -0:0 Azərbaycan kuboku, 4/1 final mərhələsi “Xəzər-Lənkəran” - “Bakı” -0:1 “Bakı” – “Xəzər-Lənkəran” -2:2 2009/10 mövsümü “Xəzər-Lənkəran” - “Bakı” -1:1
