"Xəzər Lənkəran”ın məşqindən canlı...

Saytımızın əməkdaşı Fariz İsayev Bakıdan, T.Bəhrəmov adına stadiondan  xəbər verir:

T. Bəhrəmov adına stadionda "Bakı" - "Muğan"  oyunu bitəndən dərhal sonra "Xəzər Lənkəran” komandası meydançaya daxil oldu. Sabah keçiriləcək "Neftçi” – "Xəzər Lənkəran” oyunu öncəsi komandamızın son məşqi  20:30-da başladı. Bütün futbolçuların qatıldığı məşqdə komandamızın yeni qapıçısı Yevgen Kopil də iştirak edir. Futbolçular meydançaya daxil olan zaman azarkeşlər onları alqışladılar.  Onu da qeyd edək ki, hazırda məşqi tribunalardan yüzə yaxın azarkeş izləyir. 

****

 Hazırda komandanın futbolçuları iki tərəfli oyunla məşqi davam edirlər.  Rahid Əmirquliyev, İbrahima Banqura, Katalin  Doman, Şəhriyar Xəlilov, Opara Emeka, Uinston Parks, Elnur Allahverdiyev, Adrian  Pits bir tərəfdədirlərsə, o biri tərəfdə Vobay Julius, Adrian Skarlataçe, Andrey Mureşan, Simao Bruno, Nikolye Muşat, Aleks Piturça, Elnur Abdullayev, Alim Qurbanov topla rəftarda məşqçilərin tapşırıqlarını yerinə yetirirlər. Digər futbolçular Elvin Beqiri, Kosmin Fransiçesku, Tural Cəlilov, Xristu Kiyaku, Dieqo Souza , Stelian Stanku köməkçi məşqşilərin sərəncamında məşqi davam edirlər.  

Qapıçılar Kamran Ağyev, Yevgen Kopil  və Orxan Sadıxlı ayrıca məşq edirlər.

"Neftçi” klubunun vitse prezidenti Tahir Süleymanov  "Xəzər Lənkəran”ın məşqini izləyir.

 T.Bəhrəmov stadionunda oyun öncəsi son məşqinə çıxan komandamızın məşqini  azarkeşlərimizlə yanaşı "Neftçi” klubunun vitse prezidenti Tahir Süleymanov da izləyir.

Məşq bitdi.