Biz saytımızda müəyyən informasiyaları təqdim etmək üçün internet klubları gəzirik. Birində yer olmayır o birində internet şəbəkəsinin problemi ilə qarşılaşırıq, digərində isə... beləcə sevimli komandamız barədə müəyyən məlumatları saytımızda yerləşdirməyə müəvəffəq oluruq. Yeni ilin əvvəllərində açılacağı nəzərdə tutulan  yeni azarkeş saytının ofisi olacağı arzusu isə fəal azarkeşlərin  "Dəstək ol " kompaniyasına fəal qoşulmalarından asılı olacaq.

Beləliklə,  dekabrın 6-da internet klubları gəzir başımıza çarə axtarırdıq. Lənkəran şəhəri  birinci mikrorayonunun ərazisində yerləşən  "Zəka”  internet klubunda  "Futbol+” qəzetinin bölgə müxbiri Hüseyn Cəbrayıloğlu ilə rastlaşdıq. Az qala təsəlli tapacaqdıq ki, o böyüklükdə qəzetin bölgə müxbiri də bizim kimi internet klubları gəzir...

 Amma sonra məlum oldu ki, heç də bizim bildiyimiz kimi deyilmiş və o internet kluba təsadüfən gəlibmiş.  Hüseyn bəy bir təsəllini də bizə çox gördü...