Azarkeş klubumuza olunan müraciətləri nəzərə alaraq “Cənub bölgəsində futbolun inkişaf tarixi” adlı kitabın həmmüəllifi Sakin Məmmədzadə ilə əlaqə saxlayaraq,ondan bu kitabın nə vaxt satışa çıxacağı haqda bilgi əldə etməyə çalışdıq.

-Kitab artıq satışa çıxarılır,yanvarın 21-dən başlayaraq Lənkəranın kitab mağazalarından və qəzet köşklərindən kitabı əldə etmək mümkün olacaq.Qeyd edim ki,Lənkərandan əlavə Cəlilabad,Masallı və Astara futbolunun tarixini əks etdirən kitab, Elmlər akademiyası tərəfindən elmi qrif də almışdır.

Bildiyimizə görə kitab ilyarım əvvəldən hazır olmasına baxmayaraq bu qədər vaxtı sponsor yoxluğundan işıq üzü görmürdü.

-Bəli biz daha kimlərə bu haqda müraciət etmədik ki,amma bölgə futbolunun tarixini olduğu kimi özündə cəmləşdirən,tarixi faktlara əsaslanan və heç yerdə rast gəlinməyən tarixi şəkillərlə zəngin olan bu kitaba sponsor tapılmırdı.Sonda çətinliklərə rəğmən,hələlik cəmi 500-nüsxə ilə çap olunmasına nail ola bildim.İndi necə deyərlər rahat nəfəs almaq olar.Bir daha qeyd edim ki,yanvarın 21-dən etibarən kitab mağazalarından və qəzet köşklərindən bu kitabı əldə etmək olacaq.Bundan əlavə yaxın bir həftə ərzində Bakıda da kitabın satışını təşkil etmək fikrindəyik.