Artıq geridə qoyduğumuz noyabr ayı "Bosman” fanklubu üçün daha bir əlamətdar məqamla yadda qalmışdır. Belə ki,"Bosman” fanklubunun rəhbəri Mirhafiz Babayev öz həkimlik sahəsində qazandığı uğurlarla bərabər həm də yazdığı şerlər və məqalələrlə Azərbaycan Kütləvi İnformasiya Vasitələri İşçiləri Həmkarlar İttifaqı (AzərKİVİHİ) Rəyasət Heyətinin diqqətini cəlb etmişdir. 

Azərbaycan Kütləvi İnformasiya Vasitələri İşçiləri Həmkarlar İttifaqı (AzərKİVİHİ) Rəyasət Heyətinin qərarı və Rəyasət Heyətinin sədri, tanınmış yazıçı-ilahiyyatçı Oqtay Salamzadənin imzası ilə "Şəfalı Əllər və Ustad Sənətkar” nominasiyasında qalib hesab edilərək 26 noyabr 2010-cu il tarixində Laureat Diplomu ilə təltif edilmişdir.

Bundan başqa Mirhafiz Mirsalam oğlu Babayev eyni zamanda Azərbaycan Kütləvi İnformasiya Vasitələri İşçiləri Həmkarlar İttifaqının (AzərKİVİHİ) üzvlüyünə qəbul olunmuş və 96 N: li üzvlük vəsiqəsi ilə təmin edilmişdir.

İki minə qədər jurnalisti öz sıralarında birləşdirən bir təşkilatın üzvü seçilməsi ilə əlaqədar Mirhafiz bəyi təbrik edir, ona can sağlığı, işlərində bundan sonra da yeni-yeni müvəffəqiyyətlər arzu edirik. 

Bu, "Xəzər Lənkəran” azarkeşlərinin sıralarında hələ çox belə insanların olduğunu göstərməklə yanaşı həm də "Xəzər Lənkəran” azarkeşlərinin müvəffəqiyyətidir. 

Onu da bildirək ki, Azərbaycan Kütləvi İnformasiya Vasitələri İşçiləri Həmkarlar İttifaqı (AzərKİVİHİ) jurnalistlərin və mətbuat təəssübkeşlərinin peşəyönümlü könüllü birliyi, ölkə daxilində və xaricində müstəqil fəaliyyət statusuna malikdir. Hüquqi, maliyyə, təsərrüfat və yaradıcılıq məsələlərinin həllində tam sərbəstdir. AR Ədliyyə Nazirliyi kollegiyasının qərarı ilə 31 mart 1993-cü ildə qeydiyyata alınmış, rəsmi fəaliyyətinə icazə verilmişdir.

Mənbə: bosman.at.ua