Premyer Liqanın V turu "Xəzər Lənkəran” üçün əlamətdar olub. Belə ki, MOİK üzərində 3:0 hesablı qələbə komandamızın mövsümdə ilk dəfə böyük hesablı qələbəsi olub. Bu isə o deməkdir ki, cari mövsüm klubumuzun "sükanı arxasına” keçən Mirça Rednik də baş məşqçimiz kimi ilk belə uğuruna sevinib.

"Xəzər Lənkəran” sonuncu dəfə ötən mövsümün gedişində böyük hesablı qələbə qazanmışdı. Final mərhələsinin "ilk altılığ”ının I turunda "Qəbələ” ilə görüşən futbolçularımız 4:1 hesabına sevinmişdi. Martın 12-dəki həmin zəfərdən sonra lənkəranlı azarkeşlər növbəti böyük hesablı qələbəni 184 gün gözləməli oldular. Bu müddətdə komandamız 18 matç keçirsə də heç birində 3 və daha artıq top fərqi ilə qalib gəlməmişdi.

Cari mövsüm çempionatda ilk qələbəsini qazanan "Xəzər Lənkəran” iştirak etdiyi bütün çempionatlarda ən azı 1 böyük hesablı qələbə qazanıb.

2004/05 – 8

2005/06 – 1

2006/07 – 6

2007/08 – 5

2008/09 – 5

2009/10 - 4

2010/11 – 1

Cədvəldən göründüyü kimi, MOİK üzərində qələbə komandamızın Premyer liqa tarixində yubiley – 30-cu böyük hesablı qələbəsi olub.

Bundan başqa "Xəzər Lənkəran” ölkə kubokunda da 10 böyük hesablı qələbə qazanıb:

2004/05 – 0

2005/06 – 2

2006/07 – 3

2007/08 – 3

2008/09 – 2

2009/10 - 0

Bu isə o deməkdir ki, komandamız yarandığı gündən 40-cı dəfə 3 və daha artıq top fərqilə qalib gəlib.

Mənbə:lankaranfc.com