Öz gözündə nə varsa gör ki, özgə gözündə  "Searhc”  əməliiyatına yerin olsun...

Həyatdı yaşayırıq da, hamı öz ömrünü bir təhər yaşayır ; kimisi sadəcə yaşayır, kimisi mübarizə aparır, kimisi ideyalarına görə hər şeyini itirir, kimisi isə əksinə, kimisi ara vurur, kimisi ara düzəldir, kimisi arada gəzir, kimisi də arada qalır...

Həyatı boyu heç bir oyuna qatılmayanlar olduğu kimi, müxtəlif oyunların iştirakçılarına çevrilənlər də olur. Belə gətirib ki, biz də sevdiyimiz klubun azarkeşi olduğumuz üçün, yalnız rəmzi olaraq 12-ci oyunçu adını götürmüşük və  tribunalardan futbol oyununu izləyirik. Bəzən oyunlar zamanı meydanda ya da tribunada iş böyüyür...

Hərdən bir "Böyük oyun” da keçirilir buralarda. Bu "Böyük oyun”lar  ətrafında o qədər kiçik və böyük oyunlar olur kİ,  meydanda keçirilən "Böyük oyun”un da işgüzarlığı da böyüyür...

İşgüzarlığın içində gizli görüşlər, separat danışıqlar, razılaşmalar, nə bilim nələr, nələr...

Vur vurum, vurma ki, vuramayım və s. təfliklər müzakirə olunur, şanslar verilir, şanslar yandırılır... Deyilənə görə şanslarla birgə körpülər də yandırılır... 

Kimisi söz verib, sözünə Sadiq qalacağıına and içir, kimisi gizli görüşdə  aşkaryana çay içir və çayın bir qurtumuna qarşı üç dəfə udqunur...

Başından yekə danışanların, başı boyda danışanlara qorxu gəlməsi müşahidə olunur tez-tez... Mircavadov davasından yamanlıq edənlər in bəziləri hətta Novruz bayramını gözləmədən barışır ki, o vaxta qədər bir dəfə də yaman olub barışmaq şansları olsun. Şans verib şans almaq o qədər populyarlaşıb ki, şans lotoreyası ideyası da yaranıb deyilənlərə görə...

Türkün sözü "fahişəlik edənlər”  öz sözünü daha qəzet səhifələrindən deyir,  bir boranıya görə anasını, bacısını və ya arvadını söydürənlər çoxalır, Bakının gözəl  qızlarla dolu şəhər olduğunu bilmədiyindən Seneqallı futbolçu  Osman Ndoye ölkəmizə gəlmir, Urfan Məmmədlinin qənimi Babək Quliyev  televiziya verilişinə buraxılmır, Ramin Musayevin əhatə dairəsi genişlənir, Xaqani Məmmədov isə Robin Qudun 50-manatlıq oxuna tuş gəlmək təhlükəsi ilə üzləşir, Əfqan Həmzəyin itmiş qələmi mollanın əlində sınır...

Qalanı da qalsın...

Bu yazıdan bir şey anlamayanlar bir daha o biri yazılarda  şanslarını sınasınlar.