"Xəzər Lənkəran”ın  məşqi başlamamış klubun icraçı direktoru Höccət Hacıyevdən nizam-intizam komitəsinin qərarına münasibətini  və digər məsələlərlə bğlı fikirlərini öyrəndik.

İntizam komitəsinin məlum qərarına  münasibətiniz.

-Qərarı müzakirə etmək daha istəmirəm,amma göründüyü kimi ədalətsiz qərardır.

Narazılığınız konkret  nədəndir ?

-Axı Fariz Yusifov artıq protokolda qeydlərini edəndən sonra mən ona,  ədalətsiz hakimliyindən şikayət etmişəm.Elə oyunu canlı izləyənlərin hamısı da bu fikirdədir.Hakim bəzən elə qərarlar verirdi ki...

Novruz bayramında da,ötən çempionatın oyununu nəzərdə tuturam ("İnter” – "Xəzər Lənkəran” oyunu  "Şəfa” stadionu 21-mart) da belə etmişdi.O vaxtı da qapımıza gülünc penalti təyin etmişdi.

"İnter”in baş məşqçinin Mirça Rednikə qarşı hərəkətlərinə necə baxırsız ?

-Məncə bu söhbət bağlanıb.Paytaxt klubunun baş məşqçisi cəzalandırılıb.O özü də deyib lazım gələrsə Lənkəran azarkeşlərindən üzr istəyərəm.Rednik də bu haqda daha danışmaq istəmirsə niyə qaşınmayan yerdən qan çıxaraq.

Stadionun ot örtüyünün vəziyyəti necədir ?

-Güclü yağış işimizi asanlaşdırıb.Yağış suyu ot örtüyünə müsbət təsir edib.Növbəti oyuna qədər yenə bir yağış yağarsa bərpa olunma prossesi daha sürətlə gedər.Korlananda da bərpa olunanda da tədricən olur.

  QEYD:Fürsətdən istifadə edib meydançaya yaxınlaşıb fotoşəkil də  çəkdik.