"Xəzər Lənkəran” klubu Unibank Premyer Liqasının cari mövsümün ilk fasiləsinə lider kimi yollandı. "Neftçi” ilə zirvənin şəriki olan komandamız avqust ayına təsadüf edən bölümdə nəinki məğlub olmadı, heç qapısından qol da buraxmadı. Ümumiyyətlə avqust ayı "Xəzər Lənkəran” üçün uğurlu sayıla bilər. Axı bu ay ərzində keçirdiyimiz 20 matçın 14-də, yəni 70 faizində qələbəyə sevinən məhz bizim azarkeşlər olublar.

Sonuncu dəfə iki il əvvəl bu ayda qol buraxan komandamız elə həmin vaxtdan uduzmur da. İlin səkkizinci ayındakı məğlubiyyətsiz oyunlar seriyasını 7-yə çatdıran "Xəzər Lənkəran” 2008-ci il avqustun 10-da Yevlaxda "Karvan”a 0:1 hesabı ilə uduzduqdan sonra startda yaxşı çıxış edir.

Klubun tarixi ərzində avqusta təsadüf edən oyunlar

Mövsüm             O          Q          H          M          TOP          X

2004/05              3           1          1           1            3-4           4

2005/05              3           1          0           2            2-2           3

2006/07              3           3          0           0            4-1           9

2007/08              3           3          0           0            6-0           9

2008/09              3           2          0           1            5-3           6

2009/10              1           1          0           0            1-0           3

2010/11              4           3          1           0            4-0          10

Cəmi                  20         14         2           4          25-10       44

Cari mövsüm avqustda toplanan 10 xal komandamız üçün rekord sayılır. Düzdür, ardıcıl 2 dəfə - 2006/07 və 2007/08 mövsümlərində 100 faizlik nəticə əldə olunub. Lakin həmin illərdə indiki qədər çox oyun keçirilməyib.

Qeyd edək ki, komandamızın tarixi ərzində avqustda keçirdiyi bütün oyunlar ölkə çempionatı çərçivəsində olub.

Mənbə:lankaranfc.com