Ana Səhifə» 2010»Noyabr»3 » David İmedaşvili komanda ilə məşqlərə başlayıb.
20:17
David İmedaşvili komanda ilə məşqlərə başlayıb.
David
İmedaşvili komanda ilə məşqlərə başlayıb.
"Xəzər
Lənkəran” klubu futbol üzrə Premyer Liqanın XII turunda səfərdə "Qəbələ” ilə
keçirəcəyi oyuna əzəli rəqibi "Neftçi”nin keçmiş bazasında hazırlaşır. Bu klubun
rəisi Səməd Mustafayev məlumat verib.
Mustafayev
hazırda Olimpiya yığmalarının Təlim-Məşq bazası adlandırılan idman qurğusunu
seçmələrini belə izah edib: "Bizim "Qəbələ” ilə oyunumuz süni örtüklü
meydançada keçiriləcək. Bu baza da süni örtüklüdür. Ona görə də Qəbələdəki matçımıza
burada hazırlaşmağı məqsədəuyğun saydıq”.
Oktyabrın
31-də Tofiq Bəhramov adına Respublika stadionunda "Qarabağ”ı 1:0 hesabı ilə
məğlub etdikdən sonra "Xəzər Lənkəran” Bakını tərk etməyib. Elə o vaxtdan
"Neftçi”nin keçmiş bazasında hazırlıq keçən baş məşqçi Mirça Rednikin komandası
Qəbələyə noyabrın 4-də yollanacaq.
Mustafayev
zədəlilərdən David İmedaşvilinin artıq komanda ilə birgə məşqlərə başladığını
da bildirib. Emeka Opara ilə Dieqo Qusmao isə Bakıda müalicələrini davam
etdirirlər.
