"Xəzər Lənkəran” Futbol Klubu növbəti transferini də həyata keçirdi. Heyətdə qapıçı mövqeyində yaranmış boşluğu doldurmaq məqsədilə klubumuz Ukraynalı qolkiper Yevgen Kopili sıralarına cəlb etdi. Klubumuzla 1 illik müqaviləyə imza atmış Kopil artıq komandamızın şərəfini qoruyur.

    24 yaşlı Kopil Ukraynanın ən tanınmış və ən titullu komandası olan "Dinamo” (Kiyev) futbol klubunun yetirməsidir. Karyerası ərzində "Dinamo”nun ayrı-ayrı yaş qruplarında forma geyinmiş Kopil həmçinin legoiner həyatı da sürüb. Belə ki, yeni qapıçımız Polşanın "Zaqlebiye” (Sosnoviek) və "Zaqlebiye” (Lyubin) klublarının şərəfini qoruyub.

    Yeni transferimizin həmçinin 15 yaşından 20 yaşınadək müxtəlif yaş qrupları üzrə Ukrayna milli komandalarında da çıxış etdiyini qeyd etmək lazımdır. Ukraynalı qapıçının klubumuza gəlməkdən əvvəl son iş yeri Ukraynanın "Zarya” komandası olub.

Mənbə: lankaranfc.com