Premyer liqanın turnir cədvəlində haramçılıqla liderlik edən "Neftçi” klubu ölkənin idman mətbuatına təzyiqlərini davam etdirir. "Böyük oyun” öncəsi bəzi azarkeşlərlə daha sonra isə mətbuat nümayəndələri ilə gizli görüşlər keçirən klub rəhbərliyi   qismən istəyinə çata bilmişdir. Beləki, böyük oyunda rəqib komandanın azarkeşlərini nisbətən neytrallaşdırmaqla yanaşı mətbuatın da müəyyən hissəsini özünə tərəf çəkə bilmişdir. Hətta "Xəzər Tv”-nin rəhbərliyinə də əli çatan "Ağ-qara”ların bosları "Futbol saatı” verilişinin qonaqlarından ədalətli çıxışları ilə yadda qalan Babək Quliyevi də adı çəkilən reytinqli  verilişdən uzaqlaşdıra bilmişlər. Bəzi mətbu orqanlarını da öz kölgəsinə çəkməyə çalışan "Neftçi” rəhbərliyi son günlər "Futbol+” qəzetini də qarabaqara izləməkdə davam edir. Bu məsələ ilə bağlı xüsusi araşdırmalarımızı davam etdiririk. Bəlkə də yaxıln günlərdə "Neftçi”yə çalışan mətbuat vasitələrinin siyahısını da oxucularımıza təqdim edə bildik. Aramızdakı soyuq münasibətlərə baxmayaraq məhz "Futbol+” qəzetinin adının həmin siyahıda hallanmasını heç istəməzdik...