MOİK – "Xəzər Lənkəran” oyunu harada baş tutacaq.

Premyer liqanın birinci dövrəsində bu komandaların arasında keçirilən  ilk oyunun  "Fırtınalar Meydanı”nın ot örtüyündə olan  problemlər üzündən Bakıda  baş tutduğu məlumdur. Belədə cavab oyunu  Lənkəranda keçirilməli idi. Lakin MOİK klubunun  rəhbərliyi  Lənkərana gəlməkdən imtina etmişdi.

"Xəzər Lənkəran” – "Gəncə” oyunu bitər bitməz Lənkəranlı azarkeşlər bizə müraciət edərək növbəti turda "hərbiç”lərlə oyunun harada baş tutacağını öyrənmək istədiklərini bildirdilər. Biz də əlimizdə olan  imkanlardan yararlanaraq bu məsləyə  aydınlıq  gətirmək üçün çalışdıq. Əldə etdiyimiz məlumata görə bazar ertəsi dekabrın 13-də komandamızın MOİK-lə oyununun harda baş tutacağına aydınlıq gələcək.

Xatırladaq ki, MOİK-lə oyun səfərdə olarsa o zaman,  "Fırtınalar Meydanı”nda "Xəzər Lənkəran” dekabrın 23-də "Qarabağ”la görüşəcək. Bu komandamızın 2010-cu ildə keçirdiyi son oyun olacaq.