Lənkəranlı azarkeşlər qisas hissi ilə oyunun başlanmasını gözləyir...

Səhər tezdən Lənkəranın müxtəlif yerlərində bu gün baş tutacaq "Xəzər Lənkəran” – Bakı” oyunu ilə əlaqədar azarkeşlərin fikirlərini öyrənməyə çalışdıq.Gözlənildiyi kimi hamılıqla "Xəzər Lənkəran”ın "Bakı” üzərində böyük hesablı qələbəsinin arzusundadırlar.Futbolla yaşayan şəhərdə yaşayan azarkeşlər, kubokun finalında vurulan ilk qolu heç də  unutmayıblar.Əksinə kubokun finalıdakı hadisənin əvəzini çıxmaq üçün hamı "Xəzər Lənkəran”dan möhtəşəm oyun və qələbə gözləyir.Oyunun canlı yayımlanması və Lənkəranda bütün gecəni yağan yağış da "Fırtınalar Meydanı”nın dolmasına mane olmayacaq.Saytımızda təkif olunan "Fair-play” şüarının oyun boyu səsləndirilməsinə də azarkeşlər münasibət bildirdilər.Bir çoxları bunu bəyənsə də bəziləri bu şüarın  əvəzinə komandamıza dəstək olmaq üçün sadəcə  "Xəzər Lənkəran” və ya "Haydı irəli, Lənkəranın Xəzəri”  deməyin tərəfdarı oldular.Əsasən yaşlı nəslin nümayəndələri matçı televiziya vasitəsi ilə izləyəcəklərini bildirdilər.

İstənilən halda "Xəzər Lənkəran” – "Bakı” oyununda ajiotaj olacağı inandırıcıdır.Saat 13:00-da Lənkəranın bəzi yerərində bilet tapmaq da çətinləşib.Düzdür satdionun kassaları səhər tezdən işləyir və insanların axını da məhz o istiqamətədir.Lənkəranı bəzəyən oyunun afişalarına da söz ola bilməz.Bu afişaların zövqlə tərtib olanmasını da qeyd etmək lazımdır.Belə oyunlar öncəsi taksi və avtobusların da afişalarla bəzəndiyini görəndə heç kəs təəcüblənməsin,bura Lənkərandır və burada yaşayan  insanlar qonaqpərvər olduqları qədər də çılğın futbol azarkeşləridirlər.