Bilindiyi kimi hər futbol mövsümü çempionat oyunlarının cədvəlini qurmaq məqsədi ilə öncədən püşk atılır.Təbiidir ki,püşk atma mərasimi qabaqcadan təyin olunmamış və razılaşdırılmamış bir əməliyyat olmalıdır.Amma nədənsə Azərbaycanın futbol üzrə premyer liqasından öncə həyata keçirilən  püşk atma mərasiminin nəticələrindəki bəzi məqamlar şübhə doğurur.Axı necə olur ki, "Xəzər Lənkəran”ın  "Neftçi”  ilə  ilk dövrədəki qarşılaşmaları həmişə Lənkəranda keçirilir.Yəni hər dəfə bu andıra qalmış  "püşk”  tilsimlənir ?

"Xəzər Lənkəran”  yaranandan bəri 6-il ərzində ilk oyun Lənkəranda baş tutursa düşünməyə dəyməzmi ?

"Xəzər Lənkəran”  avqustun 7-də  "Qəbələ”ni qəbul edir,növbəti turda  "Neftçi”  "Qəbələ”nin qonağı olur.Eyni gündə(15-avqust) keçirilən oyunda  "Xəzər Lənkəran”  səfərdə  "Simurq”la qarşılaşır, "Neftçi” növbəti turda  "Simurq”u qəbul edir.Yenə eyni gündə  "Xəzər Lənkəran” "İnteri”  "Fırtınalar Meydanı”nda(21-avqust) qəbul edir, "Neftçi” isə növbəti turda  "İnter”in qonağı olur.

Təqvimə diqqət yetirsək buna oxşar hallara yenə  rast gələ bilərik.Sentyabrın 11-də  "Neftçi” Bakıda  "Muğan”la qarşılaşacaqsa,18-sentyabr tarixində Salyan təmsilçisi  "Xəzər Lənkəran”ı qəbul edəcək.Oktyabrın 17-də  "Gəncə” -  "Xəzər Lənkəran”,oktyabrın 23-də,yəni növbəti turda  "Neftçi” – "Gəncə” oyunları keçiriləcək.

Əslində ölkənin futbol ictimaiəti də çox yaxşı bilir ki, "Xəzər Lənkəran”ı  "Neftçi”yə heç nə bağlamır.Bu iki klub arasında rəqbilik münasibətləri vardır.Bəs onda PFL-in təqvimində  "Xəzər Lənkəran” və  "Neftçi”nin yaxınlığını nə ilə əlaqələndirmək olar..?

Bu işlər necə düzülüb qoşulur ki,hər şey  "Neftçi”nin xeyrinə hesablanır...