Oktyabrın 28-də U-17 liqasında "Xəzər Lənkəran” komandası "Turan”ı öz meydanında qəbul edib. Lənkəran İdman Olimpiya komleksində keçirilən bu oyun 2:1 hesabı ilə klubumuzun gənclərinin xeyrinə başa çatıb. Topu rəqibin qapısından 7-ci dəqiqədə Elçin Qasımzadə, 37-ci dəqiqədə isə Fikrət Ulduzlu keçirtdilər.

U-15 liqasında da futbolçularımız uğurlu çıxışlarını davam edirlər. Oktyabrın 29-da da  futbolçularımız "İnter” komandasına 2:1 hesabı ilə qalib gəliblər. Qolların hamısı oyunun ilk hissəsinə təsadüf edib. Belə ki oyunun ilk dəqiqələrində hesabı "İnter” açıb. Daha sonra 23-cü dəqiqədə komandamızın yarımmüdafiəçisi Elnur Cəfərov hesabı bərabərləşdirdi. 31-ci dəqiqədə isə İlyas Səfərzadə komandamıza qələbə gətirən topu vurub. İkinci hissədə hesab dəyişmədi və beləliklə U-15 liqasında çıxış edən komandamız 3 oyunda maksimal nəticə göstərib.