Bütün azarkeşləri, komandamızın finala vəsiqə qazanması münasibəti ilə təbrik edirik.Bu oyunda yadda qalan bir neçə məqam oldu. “Fırtınalar Meydanı”nda olan azarkeşlər elə anlar yaşadılar ki,onları sözlə ifadə etmək çətindir.Amma bir məqamı qeyd etmək lazımdır.Matç bitəndən sonra hər iki komandanın futbolçuları soyunub geyinmə otağına yollandı.Düzdür, “Xəzər Lənkəran”lı futbolçular bir az yubanaraq,azarkeşlərin alqışlarına qarşılıq verdilər və onlar da gedəndən sonra, meydanda cəmi iki futbolçu qalmışdı.İki rəqib futbolçu, “Xəzər Lənkəran”ın futbolçusu Allan Lalin və matçın 18-ci dəqiqəsində Lalinlə toqquşma zamanı zədələnən və əvəz olunan “Olimpik Şüvəlan”ın futbolçusu Alves Dos Santos meydanı son tərk edənlər oldular.Azrkeşlərin gözü qarşısında Allan Lalin, rəqib komandanın zədəli futbolçusunun qoluna girərək yardım etdi.Ehtiyat oyunçular skamyasında oturub tənha qalan və ayağa durmağa belə çətinlik çəkən zədəli Santos, məhz Lalinin köməyi ilə ayağa qalxıb,çətinliklə addımlayaraq, tunelə daxil oldu.Bunu görən azarkeşlər “Xəzər Lənkəran”ın Honduraslı hücumçusunu alqışladılar. Razılaşmaq lazımdır ki, bu oyunun rəsmi protokolunda 10.000-azarkeş sayı göstərilməsi, Azərbaycan futbolu üçün böyük rəqəmdir.Hər halda kubok oyununun bu qədər maraq doğuracağı bir çoxları üçün inandırıcı deyildi.