Bir müddət əvvəl stadionumuzdan fotoreportaj hazırlamışdıq.Meydançann ot örtüyünün bərbad vəziyyətdə olduğu təqdim etdiyimiz fotoşəkillərdən də aydın şəkildə görünürdü.Səbəbləri ilə də maraqlanmışdıq və məlum olmuşdu ki,sentyabr ayında Lənkərançayın daşaraq stadionu da sel sularının altında saxlamasından sonra "Fırtınalar Meydanı”nın ot örtüyü tamamilə korlanmışdı.Stadionun ərazisini selin gətirdiyi lil və palçıqdan təmizləmək mümkün olmuşdu.Amma bir neçə gün  sonra yenidən yağan növbəti güclü yağış meydançanı yararsız hala salmış və bərpası mümkünsüz olmuşdur.

Bu mövzunun azarkeşlər tərəfindən  böyük marağa səbəb olduğunu nəzərə alıb saytımızda "Fırtınalar Meydanı” haqda növbəti materiyalı təqdim etmək məqsədi ilə oktyabrın 16-da stadiona yollancağıq.Həm meydançanın ot örtüyünün vəziyyəti ilə maraqlanmağı həm də görülən işlər barədə ətraflı məlumat əldə etməyi planlaşdırırıq.Bizi izləyin...