"Flaqman”çı  nənələr...

       (Braziliyadan 2-ci məktub)

            Bir müddət əvvəl əlimizə təsadüfən Braziliyadan gələn bir məktubun düşməsindən xəbərdarsız. Bu məktubu Braziliyadan Flavinyonun Matilda adlı nənəsi göndərmişdi və məktubun üzərində "Azərbaycanın ən çox azarkeşi olan klubun braziliyalı futbolçusuna” sözləri yazıldığından, bizim ünvana çatmışdı. Bizim üçün də qaranlıq olan bu məktub Portuqal dilinin Braziliya ləhcəsində yazılmışdı deyə onu yalnız buralarda bu dili bilən  Təkamül İbrət müəllimə tərcümə etdirib, sizin də diqqətinizə çatdırmışdıq. Bu günlərdə ikinci belə bir məktubun ünvanımıza daxil olması yenə həmin səbəbdən, məktubun üzərinə "Azərbaycanın ən çox azarkeşi olan klubun braziliyalı futbolçusuna” sözləri yazıldığından, Poçtampın əməkdaşlarının israrla: " bu sizə çatacaq” deyə yenə bizə təqdim etmələrini təbii qarşılayıb, Təkamül müəllimi tərcümə üçün bir də əziyyətə salmalı olduq. Təkamül müəllim məktuba  nəzər salıb bizə qısa məlumat verdi ki, Matilda nənə bu dəfə daha geniş dairədə hərəkət etmişdir. Məktubun geniş həcimdə olduğunu əsas gətirərək Təkamül müəllim bizdən tərcümə üçün bir gün vaxt istədi. Biz də onsuz da bizim xahişlərimizi bəzilərindən fərqli olaraq təmənnasız həyata keçirən yeganə tərcüməçimizə bir gün vaxt verməyə məcbur olduq. Beləliklə,  bu gün axşam saatlarında həmin məktubun tam mətnini təqdim edəcəyik. Bizi izləyin...