Biz "futbol+” qəzetini almırıq, amma dost klubların fanatları bizə məlumat verirlər ki, qəzetin 15-fevral tarixli sayında yenə də "Neftçi”yə vəkillik edilib. Hansısa tanımadığımız bir məkri zənənin yazısını qəzetin müxbirləinin yazıları ilə bir cərgədə verərək  bölgəmizi təhqir edən "futbol+” qəzeti deyildi bəs kim idi ?

"Kim kimi təhqir edir ?” adlı yazı başdan ayağa cəfəngiyyatdır və haqqımızda iftira xarakterli məlumatlarla doludur. Qara qulaq ağ bim adlı 10-fevral tarixli yazını və yazının yazılmasına səbəb olan fotoları bir daha təkrar olaraq saytımızda  təqdim edirik ki, bu iftira dolu qəzetin yalanı bir daha ortaya çıxsın:

Fevralın 10-da keçirilən  "Xəzər Lənkəran”ın məşqi zamanı stadionun qapıları azarkeşlərin sərbəst daxil olmaları üçün həmişəki  kimi açıq idi. Məşq zamanı gözlənilmədən stadionun həyətinə ağ-qara rəngli it daxil oldu. Qulaqları tamamilə, beli isə qismən qara, bədənin qalan hissəsi ağ rəngdə olan it,  yardımçı meydançanın kənarındakı ağacın arxasında  dayanıb sanki məşq edən futbolçuları izləyirdi. Azarkeşlərdən biri  bu mənzərəni gördükdə: "Qara qulaq ağ bim, sən də "Neftçi” üçün məlumat yığırsan ? " deyəndən sonra hamı güldü.

"Ağ-qara casus” sonradan gözlənilmədən meydançaya daxil oldu. Əvvəlcə köməkçi məşqçiləri  izləyən "ağ-qara köpək”, daha sonra Redniki qarabarqara izləməyə başladı. Oradan çıxandan sonra isə fotoşəkillərini çəkdiyimizi  sanki hiss edib üzərimizə şığıdı və maraqlı olsa da "bayquş” səsinə bənzər səslə hürərək aqressivlik nümayiş etdirdi.  Məhz həmin vaxt  stadionun mühafizəçiləri məsələyə müdaxilə etdilər. "Qara qulaq ağ bim”  mühafizəçiləri görcək dərhal  yerə sərələnərək  onlardan birinin ayaqqabılarını  yalamağa başladı.

Bundan sonra Mühafizəçilər  iti stadionun həyətindən çölə çıxartdılar, "Ağ-qara casus” da şimal istiqamətində gedərək yoxa çıxdı...