"Xəzər Lənkəran”ın məşqində ikinci hissə.

Məşqin sonlarına yaxın stadionun həyətinə  avtobus daxil oldu. Həmişəkindən fərqli olaraq bu dəfə əvəzedici heyyət öz avtobusunda deyil rəsmi fan klubun avtobusunda gəldi. Avtobus "Fırtınalar Meydanı”nın tribunalarının arxa hissəsində yerləşən əvəzedici heyyətin bazasının qarşısında dayandı.

Məşq zamanı ayağında yüngül ağrılar hiss edən David İmedaşvilinin ayağına həkimlər buz qoydular.

 Məşq bitəndən sonra futbolçular və azarkeşlər mehribanlıqla söhbət edirdilər. Komandanın bütün yerli futbolçuları ilə xoş münsaibətdə olan  azarkeş  Fariz bəylə zarafatlaşan futbolçular da oldu. Ruslan Poladovun onunla edtiyi zarafata,  özünəməxsus ciddiliyi ilə tanınan Alim Qurbanov da qoşuldu. Daha sonra Asif Məmmədov da onlara söz atdı. Sonda Tural Cəlilov  özünü kənara çəkmək istəsə də alınmadı, çünki o düz zarafatlaşanların arasında qalmışdı.  Söhbətin nədən getdiyini tam anlamayan legionerlər də onlara arada bir söz atırdılar.

Həmin vaxt  Rednikin baza istiqamətində deyil  pişiklərə tərəf getdiyini gördükcə biz də onun arxasıyca getdik. Bu haqda növbəti yazıda...