"Krayova  Universitea” klubun sahibi Adrian Mutitelinın bir neçə gün öncə  99% əminliklə dediklərinə baxmayaraq deyəsən  Mihay Dina klubdan getmir. Rumın mətbuatının yaydığı məlumat görə "Xəzər Lənkəran”ın düşərgəsinə qatılmalı olan Mihay Dina yenidən Krayova klubuna qayıdıb və komanda ilə məşqə başlayıb. Mirça Rednik də bu qayıdışı anlamayıb. Dina Mihay və Vobay Julius "Xəzər Lənkəran”a transfer olunmalı idilər. Vobayın məsələsi həll olunmadıqda isə onu Spes Dilevski də əvəz edə bilər.

 Bu arada Aleks Piturça köhnə klubundan sülhlə ayrıldığını bildirib. "Klub sahibi ilə  atamın arasında baş verənlərin bu məsələyə aidiyyatı yoxdur”- deyən Piturça,  "Xəzər Lənkəran”a  baxışa gələndən sonra Rumınya mətbuatına məlumat verərək "Krayova”dan ayrılmasına münasibət bildirib.

Qeyd: Rumınyanın idman mətbuatını izləyərkən çoxlu təzad doğuran xəbərlərlə rastlaşırıq. Bəzən bir mənbənin iddiası digər mənbədə təkzib olunur. Lakin az müddət sonra hər iki mənbə eyni xəbəri  təkzib və ya təsdiq edə bilərlər. Elə Rumıniya futbolunun vəziyyəti və futbolçularının həyat tərzi də bu ölkənin mətbuatı ilə eynidir.