"17-oktyabr – Gəncə əməliyyatı”...

"Gəncə” – "Xəzər Lənkəran” oyununun nəticəsi kabinetlərdə həll olunub ?

                                                   ÖZƏL

Azərbaycanda futbolun inkişafı naminə "Xəzər Lənkəran” növbəti dəfə hakim haqsızlığına məruz qalacaq.

PFL və hakimlər komitəsinə yaxın mənbələrdən aldığımız məlumata görə  "Gəncə əməliyyatı”nın hazırlanması  turnir cədvəlində "Neftçi”nin tək hakimiyyətliyini qorumaq xatirinə vacib sayılıb.

"Neftçi”dən savayı digər klubların xal ehtiyatlarının təqribən bərabər olması isə çempionata marağın artırılmasına xidmət edəcək.Buna nail olmaq üçün "Gəncə” – "Xəzər Lənkəràn”  oyununda növbəti hakim tamaşası göstəriləcək.

Beləki, oyunun ayrı-ayrı vaxtlarında yan xətt hakimlərinin bilərəkdən buraxacaqları səhvlər nəticəsində "Gəncə” komandasının futbolçuları qapımıza qol vuracaqlar.Azarkeşlərdən xahiş olunur ki, yan xətt hakimi Eldar Nağıbəyova diqqət yetirsinlər.Məhz onun tərəfindən qapımıza  ofsayd vəziyyətindən qol vurulması ilkin plana daxildir.Müxtəlif yollarla  futbolçularımızın bütün hücumlarının qarşısının alınması  planın sonrakı mərhələsində öz əksini tapıb ki, bu işdə də Nağıbəyovun böyük təcrübəsi vardır.Munis Abdullayevə isə konkret hansı tapşırığın verilməsini mənbə dəqiqləşdirə bilməyib.Bununla belə mənbə, Abdullayevin də bu mənada fəal olacağını istisna etmir.

Ramin Musayevin son anda xəbər tutduğu planın altında Xaqani Məmmədovun imzası olduğunu da xüsusi qeyd etməliyik.

Adının gizli saxlanmasını istəyən  .......   ...........ova  məlumatı bizə ötürdüyünə görə  minnətdarlığımızı bildiririk.