"Böyük oyun”da "Xəzər Lənkəran” azarkeşləri tək deyildi. Beləki, dost "İnter” klubunun fanatları da bizimlə birgə idi. Onların da bir çoxu ağ-yaşıl bayraqlar və şərflərlə silahlanmış və "Xəzər”lilərlə birgə cənub təmsilçisinə dəstək olurdular. Lakin azerisport.com saytında təqdim olunan fotolardan birində "İnter” klubunun bayrağı da aşkar görünür.

 Bu arada bir "Xəzər Lənkəran” azarkeşinin saytımıza verdiyi məlumat görə o, fevralın 13-də "Böyük oyun”da xoşa gəlməz hadisənin şahidi olub.  Azarkeşin dediklərinə əsasən, təsadüfən "UltraNeftçi” fan klubunun yaxınlığında oturan bir neçə  Lənkəranlı  yeniyetmə əks tərəfin təzyiqinə məruz qalıb. Deyilənə görə "UltraNeftçi” fan klubunun rəhbəri Ceyhun Əzizli  həmin  yeniyetmələrin əlində olan  "Xəzər Lənkəran”  bayrağının alıb və sonra bayrağın dəstəyini sındırıb. Bizə məlumatı ötürən azarkeşin müdaxiəsindən sonra fan klub rəhbəri yeniyetmələrdən əl çəkib. Məlumatı bu gün ərzində dəqiqləşdirməyə çalışacağıq.