Bir ara "Xəzər
Lənkəran” klubunun baş məşqçisi Mirça Redniki gündəmdə saxlayan Rumıniya mətbuatı
son zamanlar geri çəkilib. Amma arabir Mirçanı yada salan rumın jurnalistlər
yay transferlərində Rednikin Rumıniyaya futbolçu üçün getməyəcəyindən də
narahatdırlar. Beləki, onlar "Xəzər Lənkəran”ın çempionlar liqasına vəsiqə
qazanacağı təqdirdə klubun transfer büdcəsinin
məhdudiyyətsiz olacağı xəbərini əsas gətirərək "Qafqazın Çelsisi”nin başqa ölkələrdən
daha səviyyəli futbolçu transfer edə biləcəyi ehtimalını müzakirə edirlər. Qeyd edək ki, yay transferlərinin büdcəsinin məhdudiyyətsiz
olacağını Rednik müsahibələrinin birində bildirmişdi. Bunun üçün isə "Xəzər Lənkəran”ın
çemion olması əsas şərtdir.
Rumın
jurnalistlərin bildirdiyinə görə bəzi rumın klublarının sahibləri potensial
müştəri sayılan Mirça Redniklə hərdən telefon əlaqəsi saxlayaraq kef əhvalını soruşur
və bununla da onunla əlaqələri qorumağa
çalışırlar.
" înainte
de vară, doar trei luni din...” ( Yaya cəmi
üş ay qaldı...) başlıqlı məqalədə rumın qələm sahibi indidən əlaqələri möhkəmlətməyi
klub rəhbərlərinə məsləhət görür. Eyni zamanda bəzi klub rəsmilərinin artıq indidən faəliyyətə
başlaması da yazıda qeyd olunur. Mirça Luçesku və Qeorqe Hacının da başçılıq
etdikləri klublardakı vəziyyətləri analiz edən müəllif , məqaləsini bu iki cümlə
ilə bitirir:
Mirça Rednik
Luçeskunun
yolu ilə gedərsə Rumın klubları yaxşı
pullardan əllərini üzməli olacaqlar. Hacı isə daha çox özü haqqında düşünür...
|