Bu gün futbolçunu müayinə edən komandamızın həkimi Boris Xetaquropvun sözlərinə görə, Denis sol ayağın topuğunun bağlarını zədələyib və təxminən bir həftə müalicə olunmalıdı. Bu isə o deməkdi ki, “Böyük oyun”a da hücum xəttinin liderlərindən biri komandasına kömək edə bilməyəcək. Böyük ehtimalla, Kalinkov fevralın 21-də keçiriləcək “Karvan”a qarşı Premyer Liqanın XXII tur qarşılaşmasını da buraxmalı olacaq. Ardından ölkə çempionatında fasilə yaranacağından Moldova millisinin futbolçusu yenə “Xəzər Lənkəran”ın formasını martın 6-7-də ölkə kuboku uğrunda turnirin 1/4 finalında “Qarabağ”a qarşı oyunda geyinə biləcək. Daha sonra gənc oyunçumuz Premyer Liqanın “altılıq” mərhələsində çıxış edə biləcək.