Noyabrın 13-də keçiriləcək "Xəzər Lənkəran” – "Simurq” oyunu öncəsi komandamız növbəti məşqinə çıxdı. Noyabrın 11-də saat 16:30-da başlayan məşq saat yarım davam etdi. David İmedaşvili və Tural Cəlilovun iki gün ardıcıl məşqlərdə iştirak etməsini qeyd etmişdik. Bu gündən artıq Allan Lalin də onlara qoşulub. Amid Hüseynovun gözə dəymədiyini də qeyd edək, Kazım Kazımlı və Orxan Sadıxlı isə özlərini heç də əvəzedicinin futbolçuları kimi hiss etmirdilər. Son iki gün məşqlərdə iştirak etməyən fiziki hazırlıq üzrə məşqçi köməkçisi Mihay Keja artıq baş məşqçi Mirça Rednikə yardım edirdi. Onlar birlikdə futbolçulara fiziki və taktiki tapşırıqları verirdilər.