"Neftçi"nin azarkeşləri "Xəzər Lənkəran"ın avtobusunu daş-qalaq edib. Fanat.az xəbər verir ki, iki gündür Bakıda hazırlıq keçən Lənkəran klubunun futbolçuları bu gün keçirilən "İnter" - "Neftçi" oyununu izləmək üçün "Şəfa" stadionuna gəlib.

Futbolçular stadiona daxil olan kimi "Neftçi"nin azarkeşləri "Xəzər" qaz!" qışqırmağa başlayıb və bu vəziyyət təxminən 10-15 dəqiqə davam edib. Matçın fasiləsində isə "Neftçi" fanatları Lənkəran klubunun avtobusunu daş-qalaq edib. Nəticədə avtobusun şüşələri sındırılıb və avtobusa ciddi zərər dəyib. Xoşbəxtçilikdən həmin vaxt futbolçular və klub rəsmiləri avtobusda olmayıb.

Mənbə:fanat.az

 

***********************************************************************************************

***********************************************************************************************

 

Premyer Liqanın IV turu qalmaqalla yadda qalıb. Apasport.az saytının xəbərinə görə, hadisə "Şəfa” stadionunda keçirilən "İnter” – "Neftçi” matçının fasiləsində qeydə alınıb.

Belə ki, turun mərkəzi görüşünü "Xəzər Lənkəran” klubunun rəsmiləri, məşqçi heyəti və futbolçuları da izləyib. Amma cənub təmsilçisinin oyunu izləməsi "Neftçi” azarkeşlərini qıcıqlandırıb. İlk yarıda "ağ-yaşıllar”ın əleyhinə xoşagəlməz şüarlar səsləndirən bakılı fanatlar "Xəzər Lənkəran”a məxsus avtobusu daş-qalaq ediblər.

Mənbə:apasport.az