Növbəti dəfə  AFFA-nın Nizam Intizam Komitəsi  humanist addım atdı,bu dəfə Kamran Ağayevə qarşı…

"Xəzər Lənkəran” - "Bakı” oyunun 85-ci dəqiqəsində qapısında qol görəndən sonra rəqib komandanın futbolçusunu ölümlə hədələyərək,əlcəklərinin içində gəzdirdiyi soyuq silahla(və ya isti silahla - hava şəraitindən asılı olaraq) qorxu gəlmiş,dirsəyi ilə ona zərbə vuramağa cəhd etmiş,beləcə futbolçuya,Azərbaycanlıya, insanlığa yaraşmayan hərəkətlərə yol vermiş Kamran Ağayev adı çəkilən komtənin qərarı ilə cəmi 4-oyunluq cəzalandırıldı.Halbuki Kamranın ömürlük futboldan uzaqlaşdırlması və hətta haqqında qəti həbs imkan tədbirinin seçilməsi də gündəmdə idi.Kamran Ağayev ölkə futboluna ləkədir desək yəqin ki,futbol ictimaiəti bizi düz başa düşər.Güman edirik ki,NİK-in çıxardığı bu humanist bu qərar Kamran Ağayevə millinin heyyətində vacib oyun öncəsi xüsusi motivasiya verəcək.

"Xəzər Lənkəran”dan savayı digər komandaların qapıçılarının  analoji addımı atmağını normal qarşılamaq olar.Amma cənub klubunun üzvünün bunu etməyə haqqı yox idi.

Oktyabrın 2-də Lənkəranda keçirilən və az sayda azarkeşin izlədiyi  "Xəzər Lənkəran” - "Bakı” oyunun son dəqiqələrində qonaq komandanın qapısına istiqamət alan top müdafiəçinin açıq  əlinə,yəni bədəndən ayrılmış əlinə dəyərək qapıçının üstünə getdi.Belə vəziyyətdə penalti təyin olunmur.Bu məsələdə mütəxəssis fikri önəmlidir:

"Əgər topa zərbə vuran futbolçu "Xəzər Lənkəran”ın futbolçusudursa və top cərimə meydançasının daxilində  rəqib komandanın futbolçusunun əlinə (istənilən formada )  dəyirsə penalti  təyin olunmur”(Xaqani Məmmədov "Topdan topa”  külliyat, IX cild  2008)

"Bakı” ilə oyundan öncə Lənkəranlı azarkeşlərin vandalizm hərəkətinə yol verdiklərini də qeyd etmək lazımdır.Onlar futbolumuzun aparıcı klubu olan "Neftçi” klubuna məxsus bayrağı yandırmışdılar.Ölkə bayrağını yandırsaydılar onları bəlkə bağışlamaq olardı,amma futbolumuzun Flaqmanına qarşı bu vəhşilik "Neftçi”nin 7-milyonluq azarkeş ordusuna mənəvi zərbə vurdu.Hər oyununda T.Bəhrəmov stadionuna sığışmayacaq qədər azarkeş toplayan "Neftşi” klubu oyunlarına ən çox azarkeş toplayan klub olaraq statistik göstəricilərinə görə  liderliyini qorumaqdadr.

Sentyabrın 25-də Lənkəranda keçirilən "Xzər Lənkəran” - "Neftçi” oyununda baş vermiş daha bir məqam yaddaşlara həkk olundu.Beləki,oyunun 89-cu dəqiqəsində sevimli komandalaının qapısında  qol görəndən sonra əsəblərini cilovlaya bilməyən "Neftçi” fanatları haqlı olaraq, sivil yollarla, stadionun oturacaqlarını səliqəli şəkildə sındırıb dostluq mesajı olaraq yerli azarkeşlərin başına çırpdılar.Lakin həmişə kinli olmaları ilə seçilən  lənkəranlı azarkeşlər,qol sevincini yaşamaq əvəzinə "Neftçi” fanatlarına  cavab verməyə belə cürət etdilər və onlara atılan oturacaqları gəldiyi istiqamətdə qaytardılarXoşbəxliktən qonaq komandanın fanatlarından xəsarət alan olmadı.

İndi biz ölkə futbolunun inkaşında önəmli bir dövrü yaşayırıq.Futbol qurumlarının yorulmadan çalışdığı zamanda bəzi futbol azarkeşləri xüsusən də "Xəzər Lənkəran” azarkeşləri bu inkişafın qarşısını almağa çalışırlar.Beləki,tribunalarda asdıqları bəzi bannerlərlə milli musiqi və milli mənəvi dəyərlərimizə hörmətsiz yanaşırlar.Beləki,bəzi azarkeşlər bəzi mahnıların sözlərini təxribati şəkildə parçalara yazaraq əllərində tuturlar ki,bu da rəqib komandalarn heyyətindəki legioner futbolçulara psixoloji təsir edir.Amma onlardan fərlqi olaraq "Neftçi” fanatları müxtəlif səpkili şüarlar səsləndirərək ən ağıllı addım atmaqla digərlərinə həmişəki kimi örnək olmaqdadırlar.Bu yaxınlarda hava şəraiti ilə əlaqədar olaraq "Neftçi”nin oyununun təxirə  düşdüyünü görən Flaqmaçılar, paytaxtın digər stadionunda keçirilən oyunda futboldan zövq almaqla məşğul olmuşdular ."Şəfa” stadionunda keçirilən "İnter” – "Qarabağ” oyununda iştirak edən "Neftçi”li fanatlar futbol ictimaiətinin qınağına səbəb olmayan şüarlar səsləndirərək hamını heyrətləndirmişdilər.Beləcə onlar "Xəzər Lənkəran” klubunu və onun azarkeşlərini cinsiyyət orqanlarına bənzədərək əsl sivil addımları ilə ölkənin futbol azarkeşlərinə növbəti dəfə nümunə ola bilmişdilər.Bütün bunları araşdırandan sonra görmək olur ki,hələ də "Neftçi” fanatlarından öyrənməyə çox şey var.

Elə "Neftçi” klubunun jurnalistlərlə qurduğu iş birliyini də təqdirə layiq hal kimi qiymətləndirmək lazımdır. Ölkə futbolunun inkişafı naminə xaricdən gələn çirkin pullarla deyil xalqın halalca pulunu futbolumuzun inkişafına xərcləyən klub rəhbərliyi bir çox sözügedən jurnalistlərimizi  də unutmayıb.Bunu isə alqışlamamaq olmaz.

Sürəkli alqışlar...