Hələ noyabr ayının əvvəllərində saytımız vasitəsi ilə Lənkəranda futzal turnirinin keçiriləcəyi barədə məlumat yaymışdıq. Azərbaycanın milli qəhrəmanı şəhid Mübariz İbrahimovun xatirəsinə həsr olunan bu turnirdə iştirak etmək arzusunda olanlar üçün saytımızda bir müddət elanlar da təqdim olundu. Bundan əlavə bu turnirə qədər gələn yolu işıqlandıran sil-silə yazılar da sayt izləyicilərinin diqqətinə çatdırılmışdı. Hələ noyabr ayında bu turnirə təmənnasız olaraq informasiya dəstəyi verəcəyimizi də bildirmişdik. Turnirin başlamasına bir neçə gün qalmış məlum oldu ki, "Mübaiz olaq!” devizi ilə keçirilən turnirə informasiya dəstəyini   "Firtina.az”  saytı verəcək. Belə olduğu təqdirdə  təbii ki, biz kənara çəkilərək  müdaxiə etməmək qərarına gəldik. Lakin turnirin başlamasına iki gün qalmış iştirakçı komandalardan birinin kapitanı bizə müraciət edərək komandasının turnir boyu çıxışını saytımızda işıqlandırmağımızı xahiş etdi. Əlbəttəki  biz bu müraciətə biganə qala bilməzdik. Beləliklə iki liqada keçirilən turnirdə  güclülər liqasının "Zəngəzur”  qrupunda yarışacaq  "Bazar” komandasının bütün oyunları saytımızda işıqlandırılacaq. Digər komandalardan da   anoloji müraciətlər gələrsə  onların da müraciətlərinə müsbət cavab veriləcyi istisna olunmur.

Xatırladaq ki, 44-komandanın mübarizə aparacağı turnir, dekabrın 19-da start götürəcək  və   2011-ci il fevralın 7-də şəhid Mübariz İbrahimovun doğum  günündə   turnirin final oyunu keçiriləcək.