”12-ci oyunçu” azarkeş klubunun vasitəçəliyi və təşkilatçılığı ilə 50-azarkeş bu gün səhər saat 08-00-da bir neçə avtomaşınla Lənkərandan Bakıya yola düşdülər.Komandamızı böyük oyunda dəstəkləyəcək azarkeşlərə ağ-yaşıl rəngli bayraqlar,şarflar və digər atributlar hələ yola düşməzdən əvvəl paylanmışdı.”12-ci oyunçu” azarkeş klubunun daxili imkanları hesabına yalnız bu qədər azarkeşin paytaxta yola salınması mümkün oldu.
Azarkeş klubu təşkilat komitəsinin araşdırması nəticəsində məlum olub ki, öz hesablarına yola çıxaraq böyük oyunda iştirak etmək istəyində olan və Lənkərandan paytaxta gedən “Xəzər Lənkəran” azarkeşlərinin ümumi sayı (17-fevral səhər saat 08-30 olan məlumata görə) 1000-nəfərdir. Buraya “Xəzər Lənkəran”ın rəsmi fan klubunun və onlara qoşulan digər fanatların əlavə olunması hesabına rəqəmin daha böyük olacağı gözlənilir.
