Məşq bitəndən sonra  futbolçular bazaya tərəf gedirdilər.  Komandanın bütün yerli futbolçuları ilə münasibət quran azarkeş  Fariz İsayev bu dəfə də top qovan dostlarının nişangahına çevrildi. Əvvəlcə Asif Məmmədovla salamlaşan Fariz bəy sonra Alim Qurbanovun replikalarına cavab verməyə hazırlaşırdı ki, Ruslan Poladov, Rahid Əmirquliyev və Tural Cəlilov da hücuma keçdilər. Futbolçuların zarafatlarının qarşılığını verməkdə çətinlik çəkən və  yalnız gülərək reaksiya verən azarkeşimiz yerindəcə quruyub qalmışdı. Təkcə  "Tural sən də ?” deyə Tural Cəlilovdan dəstək istədi... O da: " Mən dedim ki, düz deyirlər, mən nə dedim ki...” deyə vəziyyətdən çıxdı.

Sonda biz də Alimə  futbolçuların Fariz bəylə etdikləri  zarafatları saytımızda işıqlandıracağımızı bildirdik.

Bu zaman Elnur Allehverdiyev məni yox onları çəkin deyə sürətlə obyektivimizdən itdi.  Bu mehriban münasibət bütün azarkeşlərin və futbolçuların arasında bu gün izlənildi. Kamran Ağayev bu günki məşqdə qeyri adi tullanışlarla ona tərəf gələn topları qaytarırdıki, bununla da məşqi izləyənlərin alqışını qazanırdı. Məşqdən sonra isə əvəzedicinin futbolçularından birinə butsi də bağışladı.