Premyer Liqanın III turunun "Xəzər Lənkəran" - "İnter" qarşılaşması qolsuz bərabərliklə başa çatdı - 0:0.

Kaxaber Sxadadze, "İnter" klubunun baş məşqçisi: "Gərgin oyun keçdi. "Xəzər Lənkəran"nın bəzi oyunçuları və bəzi məşqçiləri Fair- pley qaydalarına riayət etmədilər. Oyun demək olar ki, başabaş mübarizədə keçdi, əks-hücumlardan istifadə etdik. Müəyyən anlarda bəxtimiz gətirmədi. Oyundan şikayət etmirəm, lakin bəzi oyunçularım zədəli idi. Rəqibin bütün oyunlarını izləmişdik, Lakin "Xəzər Lənkəran"la bu cür azarkeş dəstəyi ilə oynamaq çox çətindir. Futbolçularıma təşəkkür edirəm".

Mirça Rednik, "Xəzər Lənkəran" klubunun baş məşqçisi: "Komanda hələ təzədi, bizə müəyyən qədər vaxt lazımdır. Oyundan razı qaldığımı deyə bilmərəm, lakin oyunçularım yaxşı oynadı. Bizim də bəzi hücumlarımızda bəxtimiz gətirmədi. Yeni oyunçular almaqdayıq, bundan sonra komanda tam oturuşacaq".