Fevralın 20-də "Fırtınalar meydanı”nda keçiriləcək AZAL-la oyuna hazırlıqları davam edən "Xəzər Lənkəran” komandası bu gün saat 15:30-da axşam məşqinə çıxdı. Bir gün əvvəlki məşqdən bir o qədər də fərqlənməyən məşqdə yeniliklər də var idi. Beləki, məşqçilər korpusu hücumçular və hücuma meyilli yarımmüdafiəçilərə ayrı məşq keçirdilərsə , müdafiəçilər və müdafiəyə meyilli yarımmüdafiəçilərin məşqində tam ayrı taktika tətbiq olunurdu. Taktiki oyun sxemi üzrə məşqdə və kombinasiyaların hazırlanmasında məşqçilər futbolçuların fərdi bacarıqlarının  ümumi oyuna tətbiqinə çalışırdılar. Bu da çox uğurlu alınırdı. Məşq iki saatdan çox davam etdi.