Ana Səhifə» 2010 » Avqust » 3 » Mirça Rednikin baş məşqçisi olduğu “Xəzər Lənkəran”a gətirmək istədiyi növbəti futbolçu müəyyənləşib.
18:10
Mirça Rednikin baş məşqçisi olduğu “Xəzər Lənkəran”a gətirmək istədiyi növbəti futbolçu müəyyənləşib.
Rumıniyalı mütəxəssis Mirça Rednikin baş məşqçisi olduğu “Xəzər Lənkəran”a gətirmək istədiyi növbəti futbolçu müəyyənləşib. “Vaslui” klubunun 21 yaşlı futbolçusu Kosmin Qinqioveanu cənub təmsilçisinin çalışdırıcısının transfer siyahısına düşüb.
Yarımmüdafiənin sol cinahında oynayan Kosmin son vaxtlar klubunda heyətə düşə bilmir. Bu, ilk iki turu keçirilən yeni çempionatda olub. Buxarest “Styaua”sı ilə görüşdə adı heç iştirak ərizəsinə düşməyən Qinqioveanunun klubun sahibi Adrian Mititelu ilə problemi var. Rednik Kosminin transferə çıxarılmasını öyrəndikdən sonra əməli işə keçib. O, yaxın günlərdə futbolçuya rəsmi təklif göndərəcək.
“Xəzər Lənkəran” gənc legioneri almaq üçün 700 avro ödəməlidir. Kosmin “Neftçi”nin İntertoto kubokunda yenildiyi “Vaslui”yə gələnədək, ötən mövsüm vətənində Krayovanın “Universitatea” klubunda oynayıb və 15 görüşdə 2 qol vurub.
Qeyd edək ki, Rednik “Xəzər Lənkəran”a artıq üç həmyerlisini gətirib. Bunlar Konstantin Dorian Arbanas, Stanku Stelian və Katalin Domandır.
Mənbə:apasport.az